• Boga Hore
• SOOMAALIYA
• Ciyaaraha
• Maqaalo
• News English
• Taariikh
• Waraysi

Dad lagu laayay gudaha Kenya iyo Kenya oo heegan ka gashay Shabaab

January 13, 2013 - Written by maamule - Edited bymaamule

Laba qof ayaa ku dhintay weerar ay Rag hubaysayn ku qaadeen gaari Bus ah agagaarka deegaanka Bagale waddada wayn ee isku xirta Magaalada Nairobi iyo Gaarisa.

Dhibanayaasha ayaa waxaa ay saarnaayeen bus ku sii jeeday magaalada Mandhera ee  dalka Kenya kadib markii rag hubaysan ay ka soo baxeen gaari yar ay oo isku hor gudbay buska kadibana raasaas ooda uga qaadeen gaarigaasi.

Labada qof oo kamid ahaa rakaabkii saarnaa ayaa isla goobta ku dhintay halka sedex kale ay ku dhaawacmeen.

Dhaawacyada ayaa loo qaaday isbitaalka weyn  ee magaalada Gaarisa, waxaana lagu soo waramayaa in Ragii hubaysnaa ee gaariga rasaasayay ay goobta isaga cararayn iyadoo aan wax xatooyo ah u geysan rakaabka.

Booliska gobolka Waqooyi barri ee Kenya ayaa ku jira heegan aad u sareeya kadib markii ay heleen warbixino la xariira in dagaalyahano ka tirsan Al-Shabaab-ka Soomaaliya ay ku dhuumalaysanayaan dalka Kenya  kuwaasi oo damacsan dilal iyo falal kale oo ka dhan ah ammaanka.

Magaalada Gaarisa ayaa waxaa horey uga dhacay falal weerero ah iyadoo weeradaas qaarkoodna dad badan lagu dilay.

Warqaad.com/Nairobi Office
Email:-Warqaad@hotmail.co.uk