• Boga Hore
• SOOMAALIYA
• Ciyaaraha
• Maqaalo
• News English
• Taariikh
• Waraysi

Faah Faahin: Weeraro lagu qaaday Suuqa Bakaaraha iyo ciidamada marayay Jidka Warshadaha

January 4, 2013 - Written by maamule - Edited bymaamule

Wararka naga soo gaaraya Suuqa Baraakaha ayaa sheegaya in halkaas uu ka dhacay weerar gaystay qasaarooyin kala duwan iyadoona weerarkas ay fah faahin kasoo baxayso.

Labo Nin oo hubaysan ayaa weerar qarax ah ku qaaday ciidamo katirsan kuwa nabad sugida dowlada, iyadoona qaraxaas ay waxyeelo kasoo gaartay ciidamada dowlada.

Hal askari ayaa weerarkas ku dhintay halka ilaa sedex kalana dhaaawacyo soo gaareen sida uu sheegay qof kamid ah waardiyasha Hantida Suuqa Bakaaraha.

Howlgallo ay ciidamada sameeyeen ayaa lasoo sheegayaa in ciidamada dowlada ay gacanta kusoo dhigeen labadii ruux ee weerarkaas ka danbaysay.

Dhanka kale ciidamo katirsan kuwa dowlada ayaa qarax lagula eegtay wadada warshadaha gaar ahaan halka loo yaqaan Xero Jarmal.

Wararka ayaa intaas ku daraya in ciidamadan la weeraray xili ay gaari nooca qooqanka ah la socdeen, waxaana la maqlayay rasaas ay isweydaarsanayeen ciidamada la weeraray iyo kooxdii weerarka qaadat.

Lama oga qasaaraha ka dhashay weerarkas hase ahaatee waxaa uu falkas qeyb ka yahay weeraro had iyo jeer ka dhaca magaalada Muqdisho ee caasimada dalka.

Warqaad.com/Muqdisho Office
Email:-Warqaad@hotmail.co.uk