• Boga Hore
• SOOMAALIYA
• Ciyaaraha
• Maqaalo
• News English
• Taariikh
• Waraysi

Dowladda Soomaaliya oo sheegtay in la sii dayay Wariyihii BBC-da

December 11, 2012 - Written by Muqdisho - Edited byMuqdisho

Dowladda Soomaaliya oo shaacisay in la sii daayay wariyihii BBC-da Ibrahim Max’ed Aadan oo muddo u xirnaa.

Wasiirka gaashaandhigga dowladda Soomaaliya C/xakiin Xaaji Fiqi oo ka hor hadlayay barlamanka Soomaaliyeed ayaa waxa uu cadeeyay in la sii daayay Wiriyihii BBC-da laanta Afka Soomaaliga Ibrahim Max’ed Aadan.

C/xakiin Xaaji Fiqi ayaa balamanka u aqriyay warqada lagu sii deynayo Ibrahim Max’ed Aadan waxaana uu xusay in Mas’uuliyiin BBC-da ka socda ay yimaadeen islamarkaana ay is afgarteen.

Wasiirka Gashaandhigga Soomaaliya ayaa sidoo kale ka cudur daartay in uu ka jawaabo dhawr su’aal oo kale waxana uu sheegay in ay u yaalaan howlo shaqo oo aad u muhiim sida uu hadlak u dhigay.

Wariyaha BBC-da ee Laanta Afka Soomaaliga Ibrahim Max’ed Aadan ayaa xabsiga la dhigay muddo dhawr Isbuuc hada laga joogo markii ay soo eedeysay Maxkamada Ciidamada qalabka sida .