• Boga Hore
• SOOMAALIYA
• Ciyaaraha
• Maqaalo
• News English
• Taariikh
• Waraysi

DHAGAYSO: Qaar kamid ah Madaxdii soo dhaweysay Dr Gaas oo xabsiga loo taxaabay

November 7, 2012 - Written by maamule - Edited bymaamule

Wararka naga soo gaaraya Magaaladda Boosaaso ee xarunta gobolka Bari ayaa sheegaya in ciidamada amaanka Puntland ay xabsiga dhigeen Mid kamid ah xubnihii ugu caansanaa ee soo dhaweeyay Ra’isul Wasaarihii hore ee Soomaaliya Dr Gaas.

Faarax Cabdullaahi Cumar Gardan “”Faarax Gaab” oo ah siyaasi caan ah horeyna u ahaa xoghayntii Madaxweynihii hore ee Puntland Gen. Maxamuud Muuse Xirsi ayaa xabsiga loo taxaabay.

Gaadiid dagaal oo aad ubadan ayna wataan ciidamada amaanka Puntland ayaa si xooga ah kusoo ka xeeyay Siyaasigan kadibna xabsiga dhigay.

Guddoomiyaha gobolka Bari Cabdisamad Maxamed Gallan ayaa usheegay saxaafadda in qof walba hadii danbi uu galo uu xabsi mutaysanayo.

Riix Halkan si aad udhagaysato Hadalka Gudoomiyaha.

Sargaalkan ayaa sheegay inuusan waxba kala socon xariga loo gaystay siyaasigan caanka ka ah Puntland sidoo kalana kamid ahaa dadkii soo dhaweeyay Dr Gaas.

Ciidamada xariga gaystay ayaa si gaar ah uga amarqaadanayay madaxweynaha Maamulka Puntland C.Raxmaan Faroole waxaana ay isugu jiraan kuwa badda iyo kuwa nabad sugida.

Dhanka kale Ciidamo uu hogaaminayo taliyaha magaaladda Boosaaso ayaa weerar ku qaaday Xarunta xisbiga isbadal doonka ee Puntland, iyadoona jirdil loo gaystay qaar kamid ah saraakiishii xisbigaas kuwa kalana xabsiga loo taxaabay.

Xiisad siyaasaded oo aad ukacsan ayaa ka jirta deegaanada Puntland tan iyo markii uu halkaas gaaray Ra’isul Wasaarihii hore ee Soomaaliya Dr Gaas.

Warqaad.com/Muqdisho Office
Email:-Warqaad@hotmail.co.uk